News.lk පළ කළ සියලු ලිපි, අලුත්ම ඒවා මුලින්. sinhala.news.lk
දිට්වා ආපදාව හේතුවෙන් මෙරට මාර්ග පද්ධතියේ ස්ථාන 400කට අධික සංඛ්‍යාවකට හානි සිදුව ඇති බවත්, එම හානි යථා තත්ත්වයට පත් කරමින් ජනතාවගේ ගමනාගමන පහසුකම් සුරක්ෂිත කිරීම රජයේ ප්‍රමුඛ වගකීමක් බවත් ප්‍රවාහන අමාත්‍ය බිමල් රත්නායක මහතා පැවසීය.
මධ්‍යම පළාතේ සංචාරක, කෘෂිකාර්මික හා කුඩා ව්‍යාපාර ක්ෂේත්‍රයන්හි සංවර්ධනය වේගවත් කිරීම සඳහා විදේශීය ආයෝජකයින් ආකර්ෂණය කර ගැනීම සහ පළාතේ ව්‍යවසායකයින්ට ජාත්‍යන්තර වෙළෙඳපොළ අවස්ථා පුළුල් කර දීමේ අරමුණින් සංවිධානය කෙරෙන 'An Evening with Diplomats' රාජතාන්ත්‍රික හමුවේ මූලික අදියරේ සාකච්ඡාවක් පසුගියාදා(30) මධ්‍යම පළාත් සභා ශ්‍රවණාගාර පරිශ්‍රයේදී පැවැත්විණි.
නිශ්චිත කාර්යයන් කිහිපයක් සිදු කිරීමේදී වලංගු බදු ගෙවන්නා හඳුනාගැනීමේ අංකය (TIN) ඉදිරිපත් කිරීම අද (01) සිට අනිවාර්ය කර ඇතැයි දේශීය ආදායම් දෙපාර්තමේන්තුව නිවේදනය කරයි.
බෙංගාල බොක්කේ ගැඹුරු මුහුදු ප්‍රදේශවල යාත්‍රා කරන බහුදින ධීවර යාත්‍රා සඳහා තද සුළං සහ මුහුද රළු වීම පිළිබඳ අනතුරු ඇඟවීමේ රතු නිවේදනයක් කාලගුණවිද්‍යා දෙපාර්තමේන්තුව විසින් නිකුත් කර තිබේ.
බස්නාහිර, සබරගමුව, මධ්‍යම, ඌව සහ දකුණු පළාත්වල සහ අම්පාර සහ මඩකළපුව දිස්ත්‍රික්කවල පස්වරු 1.00 න් පසුව තැනින් තැන වැසි හෝ ගිගුරුම් සහිත වැසි ඇති වියහැකිබව කාලගුණවිද්‍යා දෙපාර්තමේන්තුව නිවේදනය කරයි.
බෙංගාල බොක්ක ආශ්‍රිතව පීඩන අවපාතයක් වර්ධනය වීමේ අවදානමක් පවතින බැවින්, උතුරු අක්ෂාංශ 10ත් 15ත් අතර සහ නැගෙනහිර දේශාංශ 80ත් 90ත් අතර මුහුදු ප්‍රදේශයේ ධීවර කටයුතුවල නිරතව සිටින යාත්‍රා වහාම එම ප්‍රදේශවලින් ඉවත් වන ලෙස ධීවර හා ජලජ සම්පත් දෙපාර්තමේන්තුව ධීවර ප්‍රජාවට දැනුම් දෙයි.
සමාජ සුබසාධනය වෙනුවෙන් නීති හා රෙගුලාසි හඳුන්වා දෙන අවස්ථාවලදී ඇතැම් පිරිස් රජයට එරෙහිව විරෝධතා සංවිධාන කරන බවත්, එවැනි තත්ත්වයන් හමුවේ වුවද නීතිය හා සාධාරණත්වය තහවුරු කිරීම රජයේ ප්‍රධාන අරමුණ බවත් නියෝජ්‍ය අමාත්‍ය චතුරංග අබේසිංහ මහතා ප්‍රකාශ කළේය.
2026 පොදු රාජ්‍ය මණ්ඩලීය රාජ්‍ය නායක සමුළුවට (CHOGM) සහභාගි වීම සඳහා අග්‍රාමාත්‍ය ආචාර්ය හරිනි අමරසූරිය අද (31) බණ්ඩාරනායක ජාත්‍යන්තර ගුවන්තොටුපළින් ඇන්ටිගුවා සහ බාබුඩා රාජ්‍යයේ ශාන්ත ජෝන්ස් නගරය බලා පිටත්ව ගියාය.
ශ්‍රී ලංකාව සහ තුර්කිය අතර පවතින දිගුකාලීන මිත්‍රත්වය තවදුරටත් ශක්තිමත් කරගැනීම සහ දෙරට අතර ආර්ථික සහයෝගීතාව පුළුල් කිරීම පිළිබඳව සාකච්ඡාවක් ඊයේ (30) මුදල් අමාත්‍යාංශයේදී පැවැත්විණි.
'දිට්වා' සුළි කුණාටුව හේතුවෙන් හානියට පත් කොලොන්නාව ප්‍රාදේශීය ලේකම් කොට්ඨාසයේ ආගමික සිද්ධස්ථාන නැවත ගොඩනැඟීමේ සහ ප්‍රතිසංස්කරණය කිරීමේ ජාතික වැඩසටහන නිල වශයෙන් ආරම්භ කරමින් විහාරස්ථාන 15කට සහ සිල්මාතා ආරාම දෙකකට හානිපූරණ වන්දි අත්තිකාරම් මුදල් ප්‍රදානය කිරීම ඊයේ (30) සිදු කෙරිණි.
කළුතර ජාතික සෞඛ්‍ය විද්‍යායතනයේ පුහුණු හා නේවාසික පහසුකම් වැඩිදියුණු කිරීම ඇතුළු සංවර්ධන කටයුතු රුපියල් මිලියන 176ක වියදමින් නිම කර තිබේ.
ශ්‍රී ලංකාවේ ධීවර හා ජලජ සම්පත් කළමනාකරණය වඩාත් තිරසාර හා කාර්යක්ෂම කිරීමේ අරමුණින්, ක්ෂේත්‍ර නිලධාරීන් සඳහා විද්‍යුත් යතුරුපැදි 430ක් ලබාදීමට අදාළ අවබෝධතා ගිවිසුම ඊයේ (30) ධීවර, ජලජ හා සාගර සම්පත් අමාත්‍යාංශයේදී අත්සන් තැබිණි.
බස්නාහිර, සබරගමුව, මධ්‍යම, ඌව සහ දකුණු පළාත්වල සහ කුරුණෑගල, අම්පාර සහ මඩකළපුව දිස්ත්‍රික්කවල පස්වරු 1.00 න් පසුව තැනින් තැන වැසි හෝ ගිගුරුම් සහිත වැසි ඇති වේ.
මුතුරාජවෙල, මීගමුව කලපුව හා ගම්පහ දිස්ත්‍රික්කය ආශ්‍රිත පාරිසරික ගැටලු සොයා බැලීමේ සාකච්ඡාවක් ජනාධිපති ලේකම් ආචාර්ය නන්දික සනත් කුමානායක මහතාගේ ප්‍රධානත්වයෙන් අද (30) පෙරවරුවේ ජනාධිපති කාර්යාලයේදී පැවැත්විණ.
මෙරට කෘෂිකාර්මික ක්ෂේත්‍රය ඩිජිටල්කරණය ඔස්සේ නවීකරණය කිරීම සහ ජාතික ආර්ථිකය ශක්තිමත් කිරීම අරමුණු කරගත් ශ්‍රී ලංකා ඇග්‍රිකනෙක්ට් ඒකාබද්ධ සැලැස්ම (Sri Lanka AgriConnect Joint Implementation Plan) එළිදැක්වීමේ අවස්ථාවට අග්‍රාමාත්‍ය ආචාර්ය හරිනි අමරසූරිය ඔක්තෝබර් 30 වන දින කොළඹදී සහභාගී වූවාය.
ආපදාවකදී ජනතාවට සහන සැලසීම මෙන්ම යළි එවැනි ආපදා ඇති නොවන පරිදි අවශ්‍ය පූර්ව ආරක්ෂණ හා සංවර්ධන ක්‍රියාමාර්ග ගැනීම ද රජයේ වගකීමක් බව අග්‍රාමාත්‍ය ආචාර්ය හරිනි අමරසූරිය මහත්මිය ප්‍රකාශ කළාය.
ජනාධිපති අනුර කුමාර දිසානායක මහතා විසින් ශ්‍රී ලංකා මානව සභාවේ නව සභාපති සහ සාමාජිකයකු ලෙස විශ්‍රාමික විනිසුරු වී. කේ. මලල්ගොඩ මහතා පත් කරනු ලැබ තිබේ.
