1 ஊடகம்·1 மணி முன் புதுப்பிக்கப்பட்டது

மட்டக்களப்பு போதனா வைத்தியசாலையின் புதிய பணிப்பாளர் வைத்தியர் ஜீ. சுகுணன்!

மட்டக்களப்பு போதனா வைத்தியசாலையின் புதிய பணிப்பாளராக வைத்தியர் ஜீ. சுகுணன் அவர்கள் இன்று சுகாதார மற்றும் வெகுசன ஊடகத்துறை அமைச்சர் வைத்தியர் நளிந்த ஜயதிஸ்ச அவர்களால் உத்தியோகபூர்வமாக நியமிக்கப்பட்டு, தனது கடமைகளைப் பொறுப்பேற்றுள்ளார். அர்ப்பணிப்பும் அனுபவமும் நிறைந்த வைத்தியர் ஜீ. சுகுணன் அவர்கள் மட்டக்களப்பு மண்ணுக்கும், சுகாதாரத் துறைக்கும் புதியவரல்ல. இதற்கு முன்னரும் பல்வேறு பொறுப்பு வாய்ந்த பதவிகளை வகித்து, தன் அர்ப்பணிப்பான சேவையால் மக்களின் நன்மதிப்பைப் பெற்றவர். களுவாஞ்சிகுடி வைத்தியசாலை: பணிப்பாளராகப் பணியாற்றி, அப்பகுதி மக்களுக்குச் சிறந்த மருத்துவச் சேவைகளை வழங்கியுள்ளார். கல்முனை வைத்தியசாலை: பணிப்பாளராகத் தனது நிர்வாகத் திறமையை வெளிப்படுத்தியுள்ளார். மட்டக்களப்பு பிராந்திய சுகாதார சேவைகள் பணிப்பாளராக இப்பிராந்தியத்தின் சுகாதாரத்துறையை வழிநடத்துவதில் முத்திரை பதித்துள்ளார். இவ்வாறு பல உச்சப்பதவிகளை வெற்றிகரமாக வகித்து, மருத்துவத்துறையில் நீண்ட நெடிய அனுபவத்தைக் கொண்டுள்ள இவர், தற்போது மட்டக்களப்பு போதனா வைத்தியசாலையின் பணிப்பாளராகப் பொறுப்பேற்றுள்ளது இப்பகுதி மக்களுக்குக் கிடைத்த ஒரு வரப்பிரசாதமாகும். மக்களின் எதிர்பார்ப்பும் நம்பிக்கையும் மட்டக்களப்பு போதனா வைத்தியசாலையின் தேவைகளையும், இங்கிருந்து சிகிச்சை பெற்றுச் செல்லும் மக்களின் சிக்கல்களையும் நன்கு அறிந்த ஒருவரான வைத்தியர் ஜீ. சுகுணன் அவர்களின் இந்த நியமனம், வைத்தியசாலையின் சேவைகளை மேலும் மேம்படுத்தும் என எதிர்பார்க்கப்படுகிறது.