News.lk

News.lk•இப்போது

கழிவுநீர் மற்றும் திண்மக் கழிவுகளை அகற்றும் விடயத்தில் நிறுவன அல்லது பிரதேச எல்லைகளுக்குள் மட்டுப்படாது தொழிற்படுங்கள் அடுத்த ஆண்டின் ஜூன்-ஜூலை மாதங்களுக்கு முன்னரே விசேட டெங்கு ஒழிப்புத் திட்டங்களை ஆரம்பியுங்கள் - பிரதமர் கலாநிதி ஹரிணி அமரசூரிய கடந்த ஆண்டுகளின் புள்ளிவிவரங்கள் மற்றும் வரைபடங்களைக் கவனிக்கும்போது, ஒவ்வொரு ஆண்டும் ஜூன் மற்றும் ஜூலை மாதங்களில் டெங்கு நோயாளர்களின் எண்ணிக்கை அதிகரிப்பதாகக் காணப்படுவதால், அதைக் குறைப்பதற்காக அடுத்த ஆண்டின் ஜூன் மாதத்திற்கு முன்னரே விசேட டெங்கு ஒழிப்புத் திட்டங்களை ஆரம்பிக்குமாறு பிரதமர் கலாநிதி ஹரிணி அமரசூரிய ஆலோசனை வழங்கினார். செப்டெம்பர் 15ஆம் திகதி, கொழும்பு மாவட்ட செயலகத்தில் இடம்பெற்ற கொழும்பு மாவட்ட அபிவிருத்திக் குழுக் கூட்டத்தில் உரையாற்றுகையிலேயே பிரதமர் இதனைத் தெரிவித்தார். கொழும்பு மாவட்டத்திற்குள் கழிவுநீர் அகற்றல் மற்றும் திண்மக் கழிவுச் சேகரிப்பு தீவிரமான பிரச்சினையாக உருவெடுத்துள்ளதால், அதனை மிக விரைவில் தீர்க்க வேண்டும் எனவும், அதற்கான நடவடிக்கைகளை மேற்கொள்ளும்போது நிறுவன அல்லது பிரதேச எல்லைகளுக்குள் மட்டுப்படாமல் தொழிற்பட வேண்டும் எனவும் பிரதமர் சுட்டிக்காட்டினார். இது நாடு முழுவதும் எதிர்கொள்ளும் ஒரு நெருக்கடியான நிலைமை என்பதால், கொழும்பு மாவட்டத்தின் கழிவுநீர் மற்றும் திண்மக் கழிவு முகாமைத்துவத்தை ஒரு தேசியத் தேவையாகக் கருதித் தொழிற்படுமாறு அவர் அனைத்து அரச நிறுவனத் தலைவர்களுக்கும் ஆலோசனை வழங்கினார். அத்துடன், கழிவுநீர் மற்றும் திண்மக் கழிவுகளைச் சரியான முறையில் முகாமைத்துவம் செய்வது ஒரு தேசியத் தேவை என்பதை மக்களுக்கு விழிப்புணர்வூட்டுவதன் மூலம் அவர்களது சாதகமான பதில்களையும் முழுமையான ஒத்துழைப்பையும் பெற முடியும் என பிரதமர் மேலும் தெரிவித்தார். இதன்போது கருத்துத் தெரிவித்த கொழும்பு மாவட்ட முதன்மை சுகாதார மருத்துவ அதிகாரி, செப்டெம்பர் மாதத்தின் முதலாவது வாரத்தில் டெங்கு நோயாளர்களின் எண்ணிக்கை 40 சதவீதம் வரை குறைந்துள்ளதாகக் குறிப்பிட்டார். மேலும், கொழும்பு மாவட்ட மக்களின் தேவைகளை நிறைவேற்றுவதில் மாவட்டப் பாராளுமன்ற உறுப்பினர்கள் தீவிரமாகத் தலையிட்டு பெரும் ஒத்துழைப்பை வழங்கி வருவதாக விவசாயச் சேவைகள் திணைக்களத்தின் அதிகாரிகள் இதன்போது தெரிவித்தனர். அந்த ஒத்துழைப்பும் அர்ப்பணிப்பும் மக்களுக்கு மிக விரைவாகச் சேவைகளை வழங்குவதற்குப் பெரும் பக்கபலமாக அமைந்ததாக மாவட்ட அபிவிருத்திக் குழுத் தலைவர் தெரிவித்தார். இந்நிகழ்வில் பாதுகாப்புப் பிரதி அமைச்சர் மேஜர் ஜெனரல் அருண ஜயசேகர, மாவட்ட ஒருங்கிணைப்புக் குழுத் தலைவரும் பாராளுமன்ற உறுப்பினருமான லக்ஷ்மன் நிபுணஆரச்சி, பாராளுமன்ற உறுப்பினர்களான சந்தன சூரியஆரச்சி, அருண பனாகொட, தேவானந்த சுரவீர, சுசந்த தொடாவத்த, சமன்மலி குணசிங்க உள்ளிட்ட உள்ளூராட்சி மன்ற மக்கள் பிரதிநிதிகள், கொழும்பு மாவட்ட செயலாளர் கினிகே பிரசன்ன ஜனக்க குமார உள்ளிட்ட அரச நிறுவனத் தலைவர்கள், அனைத்துப் பிரதேச செயலாளர்கள் மற்றும் ஒருங்கிணைப்புக் குழுப் பிரதிநிதிகள் பலரும் கலந்துகொண்டனர். பிரதமர் ஊடகப் பிரிவு

News.lk•இப்போது

25 ஆண்டுகளுக்கும் மேலாக அரச பெருந்தோட்ட நிறுவனங்களின் ஊழியர்களுக்கு வழங்கப்படாமல் இருந்த சட்டப்பூர்வ நிலுவைத் தொகையை வழங்குவதற்கு அரசாங்கம் நடவடிக்கை எடுத்துள்ளதாகத் தொழில் அமைச்சு வெளியிட்டுள்ள அறிக்கையில் தெரிவிக்கப்பட்டுள்ளது.

News.lk•இப்போது

இளைஞர்கள் எதிர்நோக்கும் பிரச்சினைகளை விஞ்ஞான ரீதியாகவும் நிலைபேறான முறையிலும் தீர்ப்பதற்கான வழிகாட்டல்கள் மற்றும் பரிந்துரைகளை வழங்கக்கூடிய கொள்கை சட்டகமொன்றைத் தயாரிப்பதே அரசாங்கத்தின் நோக்கம் - பிரதமர் கலாநிதி ஹரிணி அமரசூரிய

News.lk•இப்போது

சர்வதேச நிலைமைகளைப் புரிந்து கொண்டு இலங்கையில் வறுமையை ஒழிப்பதற்காக 'பிரஜா சக்தி' திட்டம் உருவாக்கப்பட்டது" - கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சர் கலாநிதி உபாலி பன்னில

News.lk•இப்போது•9 ஊடகங்கள்பிரபலமானவை

மன்னார் மக்களின் சுகாதார வசதிகளை மேலும் விரிவுபடுத்துவதற்காக, இந்திய அரசின் நிதியுதவியுடன் 600 மில்லியன் ரூபாய் செலவில் அனைத்து நவீன வசதிகளையும் கொண்டதாக இந்தப் பிரிவு நிர்மாணிக்கப்பட உள்ளது. நிர்மாணப்ணியானது 2028 ஆம் ஆண்டின் முதலாம் காலாண்டில் நிறைவு செய்யப்படவுள்ளது.

News.lk•17 நிமி. முன்•9 ஊடகங்கள்பிரபலமானவை

மன்னார் மாவட்ட பொது மருத்துவமனையின் திடீர் விபத்து மற்றும் அவசர சிகிச்சைப் பிரிவின் நிர்மாணப் பணிகளின் ஆரம்ப நிகழ்வு இன்று (16) முற்பகல் ஜனாதிபதி அநுரகுமார திஸாநாயக்கவின் தலைமையில் இடம்பெற்றது.

News.lk•2 மணி முன்

14-09-2026 அன்று நடைபெற்ற அமைச்சரவைக் கூட்டத்தில் எடுக்கப்பட்ட தீர்மானங்கள்

News.lk•2 மணி முன்

ஸ்ரீலங்கா முஸ்லிம் காங்கிரஸின் ஸ்தாபகரும், மறைந்த முன்னாள் அமைச்சருமான எம். எச். எம். அஷ்ரப் அவர்களின் 26ஆவது நினைவேந்தல் நிகழ்வும் ஸ்ரீலங்கா முஸ்லிம் காங்கிரஸின் 34ஆவது பிரதிநிதிகள் மாநாடும் இன்று (16) மட்டக்களப்பு மாவட்டத்தின் காத்தான்குடி ஹிஸ்புல்லாஹ் கலாசார மண்டபத்தில் நடைபெறவுள்ளன.

News.lk•16 மணி முன்

2025 நவம்பர் மாத இறுதியில் இலங்கையில் ஏற்பட்ட தித்வா புயல் அனர்த்தத்தால் பாதிக்கப்பட்ட ப்ளக்பூல் அம்பேவெல பட்டிபொல ஹோட்டன் சமவெளி (B512) (5+ 200 கிலோமீற்றர் தொடக்கம் 12 + 000 கிலோமீற்றர் வரை) வீதியை புனரமைப்பதற்காக தேசிய போட்டி விலைமுறிக் கோரல் முறையைக் கடைப்பிடித்து விலைமனுக்கள் கோரப்பட்டுள்ளன. அதற்காக 04 விலைமனுக்கள் கிடைக்கப் பெற்றுள்ளது.

News.lk•1 நாள் முன்

பொதுநிர்வாக, மாகாண சபைகள் மற்றும் உள்ளூராட்சி அமைச்சின் ஏற்பாட்டில், "பாதுகாப்பான வாழ்தகு சூழலை உருவாக்குவதன் மூலம் பொதுமக்களின் அன்றாடத் தேவைகளை நிறைவேற்றி, தொலைநோக்கான எதிர்காலத்தை உறுதிசெய்கின்ற புத்துயிர்க்கும் புதுநகரங்களைப் படைத்தல்" என்ற நோக்கில் நடைமுறைப்படுத்தப்படும் உள்ளூராட்சி வாரம் நேற்று (14.09.2026) ஆரம்பமாகியது.

News.lk•1 நாள் முன்•6 ஊடகங்கள்

தொழிலாளர் ஒத்துழைப்பு மற்றும் தாய்லாந்தில் இலங்கைத் தொழிலாளர்களுக்கு வேலைவாய்ப்புகளை வழங்குதல் தொடர்பான முக்கியத்துவம் வாய்ந்த இரு ஒப்பந்தங்கள் நேற்று பாங்கொக்கில் இலங்கை மற்றும் தாய்லாந்து நாடுகளுக்கிடையே கைச்சாத்திடப்பட்டன. இந்த ஒப்பந்தங்களின் மூலம் பாதுகாப்பான, முறையான மற்றும் இரு நாடுகளுக்கும் பயனளிக்கும் வகையில் தொழிலாளர் இயக்கத்தை மேம்படுத்துவதுடன், இலங்கைத் தொழிலாளர்களின் உரிமைகள், நலன் மற்றும் பாதுகாப்பை உறுதி செய்வதற்கும் நடவடிக்கைகள் மேற்கொள்ளப்படும். முதற்கட்டமாக 10,000 இலங்கைத் தொழிலாளர்களை ஆட்சேர்ப்பு செய்வதற்கு தாய்லாந்து அனுமதி வழங்கியுள்ளது. எதிர்காலத்தில் திறன் வாய்ந்த தொழிலாளர்களுக்கான வேலைவாய்ப்புகளை மேலும் விரிவுபடுத்துவதற்கும் வாய்ப்புகள் உள்ளன. குறிப்பாக இளைஞர்களுக்கான தகவல் தொழில்நுட்பம் (IT), சுற்றுலாத்துறை உள்ளிட்ட பல்வேறு துறைகளில் புதிய வேலைவாய்ப்புகள் உருவாகும் என எதிர்பார்க்கப்படுகிறது. இலங்கையர்களுக்கான வெளிநாட்டு வேலைவாய்ப்புகளை பல்வேறு துறைகளில் விரிவுபடுத்துவதற்கும், இலங்கை - தாய்லாந்து இருதரப்பு உறவுகளை மேலும் வலுப்படுத்துவதற்கும் இந்த ஒப்பந்தங்கள் முக்கியமான ஒரு புதிய மைல்கல்லாக அமைந்துள்ளன. ---

News.lk•1 நாள் முன்

மட்டக்களப்பு ஏறாவூர் ரஹ்மானியா மகா வித்தியாலயத்தைச் சேர்ந்த மாணவர்கள் குழுவொன்று ஜனாதிபதி செயலகம் மற்றும் ஜனாதிபதி மாளிகையைப் பார்வையிடுவதற்காக நேற்று (14) பிற்பகல் வருகை தந்தனர்.

News.lk•1 நாள் முன்

பொதுமக்களுக்கு மிகவும் பயனுள்ள மற்றும் துரிதமான சேவைகளை வழங்கும் நோக்கில், ஜனாதிபதி நிதிய சேவைகளை பிரதேச செயலக மட்டத்தில் விஸ்தரிக்கும் வேலைத்திட்டத்தின் கீழ், 2025 ஆம் ஆண்டில் உயரிய செயல்திறனை வெளிப்படுத்திய கிழக்கு மாகாணத்தின் பிரதேச செயலகங்களை பாராட்டும் "சேவை பாராட்டு'' வேலைத்திட்டம் பிரதமர் கலாநிதி ஹரிணி அமரசூரியவின் தலைமையில் கிழக்குப் பல்கலைக்கழகத்தின் சுவாமி விபுலாநந்தா அழகியற்கலை கற்கைகள் நிறுவனத்தில் அண்மையில் நடைபெற்றது.

News.lk•1 நாள் முன்•4 ஊடகங்கள்

அடுத்த 24 மணித்தியாலத்துக்கான, நாட்டைச் சூழவுள்ள கடற் பரப்பிற்கான வானிலை முன்னறிவிப்பு 2026 செப்டம்பர் 15ஆம் திகதி அதிகாலை 05.30 மணிக்கு வெளியிடப்பட்டது. மழை நிலைமை: நீர்கொழும்பிலிருந்து கொழும்பு, காலி, ஹம்பாந்தோட்டை மற்றும் பொத்துவில் ஊடாக மட்டக்களப்பு வரையான கரையோரத்திற்கு அப்பாற்பட்ட கடற்பரப்புகளில் அவ்வப்போது மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. நாட்டைச் சூழவுள்ள ஏனைய கடற்பரப்புகளில் சில இடங்களில் மாலையில் அல்லது இரவில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.

News.lk•1 நாள் முன்•4 ஊடகங்கள்

இலங்கையைச் சூழவுள்ள பகுதிகளில் உருவாகியுள்ள கீழ் வளிமண்டலத் தளம்பல் நிலை தொடர்ந்தும் காணப்படுகின்றது. இத் தொகுதியின் தாக்கம் காரணமாக மேல், சப்ரகமுவ, மத்திய, ஊவா மற்றும் தென் மாகாணங்களிலும் அம்பாறை மற்றும் மட்டக்களப்பு மாவட்டங்களிலும் மேகமூட்டமான வானம் காணப்படுவதுடன் அவ்வப்போது மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. இந்தப் பிரதேசங்களில் சில இடங்களில் 100 மி.மீ க்கும் அதிகமான பலத்த மழைவீழ்ச்சி எதிர்பார்க்கப் படுகின்றது. நாட்டின் ஏனைய பிரதேசங்களில் பல இடங்களில் பி.ப. 1.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. இடியுடன் கூடிய மழை பெய்யும் வேளைகளில் அப் பிரதேசங்களில் தற்காலிகமாக வீசக் கூடிய பலத்த காற்று மற்றும் மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள். 2026 செப்டம்பர் 15ஆம் திகதிக்கான வானிலை முன்னறிவிப்பு 2026 செப்டம்பர் 15ஆம் திகதி அதிகாலை 05.30 மணிக்கு வெளியிடப்பட்டது .

News.lk•1 நாள் முன்•9 ஊடகங்கள்பிரபலமானவை

அனுராதபுரம், திருகோணமலை, முல்லைத்தீவு மற்றும் மன்னார் மருத்துவமனைகளில் ரூ. 7148 மில்லியன் செலவில் கட்டப்படவுள்ள புதிய கட்டிடங்களுக்கான அடிக்கல் நாட்டு விழா ஜனாதிபதி அனுர குமார திசாநாயக்க அவர்களின் தலைமையில் 16ஆம் திகதி நடைபெற உள்ளது.

News.lk•2 நாள் முன்•2 ஊடகங்கள்

உள்நாட்டில் உற்பத்தி செய்யப்பட்ட போசாக்கான விவசாய உற்பத்திகளுக்காக பெறுமதி சேர்க்கப்பட்டு உள்ளூர் ஊட்டச்சத்தை அதிகரித்தல், உணவு வீண்விரயத்தைக் குறைத்தல் மற்றும் விவசாய குடும்பங்களின் வருமானத்தை அதிகரிக்கும் நோக்கில் விஷேட தெளிவுபடுத்த நிகழ்வுகள் தற்போது தொடர்ச்சியாக இடம்பெற்று வருகின்றன

News.lk•2 நாள் முன்

பூனாகலை, கபரகலை மற்றும் ஹாலிஎல மொரகொல்ல அனர்த்த வீடமைப்புத் திட்டத்திற்காக இராணுவ பொறியியலாளர் சேவைப் பிரிவின் அறிவு மற்றும் தொழில் பங்களிப்புடன் செயல்பட்டுள்ள விதத்தில் தம்பேதென்ன அனர்த்த வீடமைப்புத் திட்டத்திற்காக அப்படையின் பங்களிப்பைப் பெற்றுக் கொள்வதற்கு எதிர்பார்ப்பதாக பதுளை மாவட்ட செயலாளர் சுனில் கலகம தெரிவித்தார்.

News.lk•2 நாள் முன்•5 ஊடகங்கள்

இலங்கையைச் சூழவுள்ள பகுதிகளில் உருவாகியுள்ள கீழ் வளிமண்டலத் தளம்பல் நிலை காரணமாக மேல், மத்திய, சப்ரகமுவ, தென் மற்றும் ஊவா மாகாணங்களில் மேகமூட்டமான வானம் காணப்படுவதுடன் அவ்வப்போது மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. நாட்டின் ஏனைய பிரதேசங்களில் பல இடங்களில் பி.ப. 1.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. மேல், மத்திய, சப்ரகமுவ, தென், வடமத்திய மற்றும் வடமேல் மாகாணங்களில் சில இடங்களில் 100 மி.மீ க்கும் அதிகமான பலத்த மழைவீழ்ச்சி எதிர்பார்க்கப் படுகின்றது. இடியுடன் கூடிய மழை பெய்யும் வேளைகளில் அப் பிரதேசங்களில் தற்காலிகமாக வீசக் கூடிய பலத்த காற்று மற்றும் மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள். 2026 செப்டம்பர் 14ஆம் திகதிக்கான வானிலை முன்னறிவிப்பு 2026 செப்டம்பர் 14ஆம் திகதி அதிகாலை 05.30 மணிக்கு வெளியிடப்பட்டது.