நியூஸ் ஃபெஸ்ட்டுக்கு பல விருதுகள்
Diamond Excellence விருது விழாவில் நியூஸ் ஃபெஸ்ட், சக்தி TV மற்றும் சக்தி FM பல விருதுகளை தம்வசப்படுத்தின.2025 Diamond Excellence விருது விழா இன்று(17) கொழும்பில் நடைபெற்றது.வர்த்தகர்கள், தொழில் வல்லுனர்கள், எழுத்தாளர்கள், கலைஞர்கள், ஊடகவியலாளர்கள், தனியார் நிறுவனங்கள், நிதி நிறுவனங்கள், அழகுக்கலை நிபுணர்கள், சுற்றுலாத் துறை மற்றும் சமூக ஊடக செயற்பாட்டாளர்கள் உள்ளிட்ட பல பிரிவுளில் விருதுகள் வழங்கப்பட்டன.ஆண்டின் ஜனரஞ்சக தமிழ் அரசியல் நிகழ்ச்சி தொகுப்பாளருக்கான விருதை நியூஸ் ஃபெஃஸ்ட்டின் ஜெப்ரி ஜெபதர்ஷன் வென்றார்.ஆண்டின் ஜனரஞ்சக தமிழ் செய்தி வாசிப்பாளருக்கான விருதை நியூஸ் ஃபெஃஸ்ட்டின் தனுஷியா ஞானசேகரன் வென்றார்.ஆண்டின் பிரபல்யமான ஊடக ஆளுமைக்கான விருதை நியூஸ் ஃபெஃஸ்ட்டின் ஒமாயா கோவில கொடகே வென்றார்.சிறந்த செய்தி வாசிப்பாளருக்கான விருதை நியூஸ் ஃபெஸ்ட்டின் விந்தன பிரசாத் கருணாரத்ன சுவீகரித்தார்.வருடத்தின் பிரபல்யமான தமிழ் வானொலி அறிவிப்பாளருக்கான விருது சக்தி FM-இன் ஷெல்டன் அன்டனி வசமானது.
