මෙරට ප්‍රමුඛතම පිළිකා ප්‍රතිකාර මධ්‍යස්ථානය වන මහරගම අපේක්ෂා රෝහලේ මෙහෙයුම් කටයුතු විධිමත් කිරීම, රෝගී සත්කාර සේවාවන්හි ගුණාත්මකභාවය ඉහළ නැංවීම සහ ඉදිරි සංවර්ධන සැලසුම් ක්‍රියාත්මක කිරීම පිළිබඳ විශේෂ රෝහල් කළමනාකරණ සමාලෝචන රැස්වීමක් සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණි මහතාගේ ප්‍රධානත්වයෙන් පසුගියදා රෝහල් ශ්‍රවණාගාරයේදී පැවැත්විණි.
මෙම රැස්වීමේ ප්‍රධාන අරමුණ වූයේ , රජයේ රෝහල්වල පාලන කටයුතු විධිමත් කිරීම, කාර්යක්ෂමතාව ඉහළ නැංවීම සහ රෝගී සත්කාර සේවා සංවර්ධනය කිරීම, අපේක්ෂා රෝහලට පැමිණෙන රෝගීන්ට විධිමත් හා සැලසුම්සහගත වැඩපිළිවෙළක් යටතේ අඛණ්ඩ පිළිකා ප්‍රතිකාර සේවාවක් සහතික කිරීමයි. සායන හා වාට්ටු සඳහා අවශ්‍ය අත්‍යවශ්‍ය ඖෂධ සහ ශල්‍ය උපකරණ හිඟයකින් තොරව අඛණ්ඩව සපයා ගැනීම සම්බන්ධයෙන් ද අවධානය යොමු විය.
මේ පුවතේ හැම ලිපියකින්ම ගත් නම් සහ ස්ථාන. අංකයෙන් කියවෙන්නේ ඉන් කී ලිපියක් එය සඳහන් කළාද කියලයි.
එක් අනුවාදයක් නොව, සම්පූර්ණ පුවත බෙදාගන්න.
මාධ්‍ය ආයතන 2ක් මෙම පුවත වාර්තා කර ඇත
සම්පූර්ණ වාර්තා