புதிய கல்விச் சீர்திருத்தங்களின் கீழ் திருத்தப்பட்ட தேசிய கலைத்திட்டக் கட்டமைப்பு மல்வத்து, அஸ்கிரி மகா நாயக்க தேரர்களிடம் கையளிப்பு
புதிய கல்விச் சீர்திருத்தங்களின் கீழ் திருத்தப்பட்டு, தேசியக் கல்வி நிறுவனத்தினால் வெளியிடப்பட்ட தேசிய கலைத்திட்டக் கட்டமைப்பு தொடர்பான தெளிவூட்டலும், அக்கட்டமைப்பை அஸ்கிரி பீடத்தின் மகா நாயக்க தேரர் வராகொட ஞானரத்ன தேரர் மற்றும் அனுநாயக்க தேரர் நாரம்பனாவே ஆனந்த நாயக்க தேரர் ஆகியோரிடம் கையளிக்கும் நிகழ்வும் ஒக்டோபர் 15ஆம் திகதி அஸ்கிரி மகா விகாரையில் இடம்பெற்றன. பிரதமர் கலாநிதி ஹரிணி அமரசூரிய இந்நிகழ்வை மேற்கொண்டார். 2027ஆம் ஆண்டு முதல் 2ஆம் தரம் மற்றும் 6ஆம் தரங்களுக்குப் புதிய கல்விச் சீர்திருத்தங்களை நடைமுறைப்படுத்தவும், ஆசிரியர் பயிற்சிகளையும் புதிய நியமனங்களையும் நவம்பர் மாதத்திற்குள் மேற்கொள்ளவும் திட்டமிடப்பட்டுள்ளதாகப் பிரதமர் இதன்போது தெரிவித்தார். அதனைத் தொடர்ந்து மல்வத்து மகா விகாரைக்கு விஜயம் செய்த பிரதமர், திருத்தப்பட்ட தேசிய கலைத்திட்டக் கட்டமைப்பை மல்வத்து பீடத்தின் மகா நாயக்க தேரர் திப்பொட்டுவாவே ஸ்ரீ சித்தார்த்த சுமங்கல நாயக்க தேரர் மற்றும் அனுநாயக்க தேரர் நியங்கொட விஜிதசிறி தேரர் ஆகியோரிடம் கையளித்தார். இந்நிகழ்வில் மத்திய மாகாண ஆளுநர் வைத்தியர் சுரங்க பெர்னாண்டோ, மாநகர முதல்வர், பிரதி மாநகர முதல்வர் உள்ளிட்ட பலர் கலந்துகொண்டனர். பிரதமர் ஊடகப் பிரிவு
