1 sourceUpdated
ஓய்வுபெற்ற முப்படையினருக்கு தொழில் வாய்ப்புகளை மேம்படுத்தும் முறையான வேலைத்திட்டம் குறித்து பாதுகாப்புப் பிரதி அமைச்சர் தலைமையில் கலந்துரையாடல்
முப்படைகளிலிருந்து ஓய்வுபெறும் அதிகாரிகள் மற்றும் ஏனைய பதவிநிலையினருக்கு தேசிய தொழிற்தகைமைச் சான்றிதழ்களை (NVQ) வழங்குவதன் மூலம், அவர்களுக்கு தொழில் வாய்ப்புகளை முன்னெடுப்பதற்கான வசதிகளை ஏற்படுத்தும் வகையில் முறையான வேலைத்திட்டமொன்றை உருவாக்குவது தொடர்பான கலந்துரையாடல், ஒக்டோபர் 29ஆம் திகதி கொழும்பிலுள்ள பாதுகாப்புப் பிரதி அமைச்சரின் அலுவலகத்தில், பாதுகாப்புப் பிரதி அமைச்சர் மேஜர் ஜெனரல் அருண ஜயசேகர (ஓய்வு) தலைமையில் நடைபெற்றது.
Summary
குறிப்பாக, தொழில்நுட்பம் சாராத துறைகளில் பணியாற்றிய படையினரும் அங்கீகரிக்கப்பட்ட தொழில் தகைமைகளைப் பெற்றுக்கொள்வதற்கான வாய்ப்புகளை விரிவுபடுத்துவது குறித்தும் கவனம் செலுத்தப்பட்டது. உருவாக்கப்படவுள்ள இவ்வேலைத்திட்டத்தின் கீழ், குறிப்பாக சர்வதேச மற்றும் கடல்சார் துறைகளில் உருவாகிவரும் தொழில் வாய்ப்புகளை இலக்காகக் கொண்டு பல்வேறு தொழிற்பயிற்சிகளை வழங்குவது குறித்து கவனம் செலுத்தப்பட்டது.